關於「你買我捐」小生命同行‧愛心計劃，我已整合好一部分受捐助名單，當中有合法註冊嘅動物救助機構，一班本地前線動物獨立義工或狗場場主。
今次善款分配，我會較大比例傾向捐助比一眾獨立義工或狗場場主。
原因係合法註冊嘅救助機構本身知名度高，大眾認識多，日常有好多渠道接收捐款同物資，資源相對充足。
但一眾獨立義工或狗場場主，長期默默喺前線救助動物，付出極大心力同時間，大多自掏腰包救貓救狗，但曝光度低、資源遠遠不足。 所以希望透過呢個計劃，將更多愛心資源幫到呢一班弱勢前線義工，同時都會預留部份捐助合法救助團體，兩邊兼顧。
呢篇日記，係計劃正式開始前同大家作出清楚說明，所有捐助分配會保持公開透明，多謝各位支持，一齊以行動關心本地小生命。
名單經我親自整理核對，惟資料繁多，難免會有錯漏。如果各位客人發現名單內容有錯、遺漏，或有合適、用心嘅救助單位/義工推介，歡迎隨時聯絡我提出修正及補充。
